Friday, June 20, 2014

機密民意調查

我嘗試不要太離地。

真的。

我每天都會看無線新聞,看看他們如何做出有新聞道德倫理的暱名新聞

我幾乎每天都去茶餐廳吃早餐,每天都特意把mp3的音量調低聽聽周圍的人談什麼。每天都會聽到好些同學和同事給我他們聽到的街頭巷尾調查。

香港,有很多上了岸(簡而言之,他們早就買房,早就有制度保障他們的工作,如當公務員或是大學教員等等),他們對世界的認知,跟那些「八十後廢青」,是很不一樣的。他們對反新界東北的示威,是這樣了解的:


  • 「係咁架啦」
  • 「五十年不變?邊可能?慢慢變架啦梗係」
  • 「班友再搞咁多野,解放軍操隊兵黎鎮鎮班友都好」
  • 「呢度始終係中國既地方,唔好咁不切實際」
  • 「你呢係年青人啦,其實我想睇下你會點睇長毛?你覺唔覺佢好激進?真係好過份嚕!成日搞d小動作!」
  • 「教協投票,唔好投張文光,成日搞政治,都唔係點幫到我地教育界做野」
  • 「其實佢地真係浪費左好多時間,基建發展真係大趨勢黎,佢地根本係搵議題黎反」
  • 「同內地人爭中小學?無問題啦,將來個社會,會越黎越多同胞,佢中小學同佢地接觸多d,其實好事,唔駛係溫室長大咁。不過我就整左個教育基金,佢到咁上下可以過英國或者澳洲讀大學。」


而你花幾多力氣,在他們面前讀書又好,罵他們港豬、裝睡又好,他們都自覺比你們活得好。因為他們已賺了你們這一代,和下一代,和再下一代的錢,然後告訴你,你是失敗者,因為你們「見識少」,或是「唔捱得」。
這就是香港。對香港,不要投放太多感情。當你日復日見著這些人,你知道,做人應該買安全套。生孩子,只會令他們痛苦一生。

1 comment:

青月 said...

啲人成日話人唔生仔係自私、係不想負責任,我覺得佢地為咗傳宗接代/想有個"完整家庭"/體驗為人父母才是完滿人生/喜歡小孩(更不要說等而下之的人有我有/留住老公/分家產那些),而把孩子帶來這亂世先至係自私和不負責。