Monday, December 02, 2013

熱吻背後:無性人生


看到今天新聞說,有兩成大學生近半年有做愛……即是有八成大學生近半年也……呀……唔……我想起這篇。


*  *  *  *  *  *  



健身教練語錄:「哈哈哈,最近有班客嚟做gym,你知啦,朝早個場冇乜人,佢哋就咩都講。有個就話睇電視有個男仔講自己27歲都重係處男,真係慘。點知另外個客就話:『其實我今年28,都重係處男囉……』哈哈哈,笑到我呢!」

我:「咁幾多歲唔係處男先唔會笑?男人唔係要女人結婚前最好係處女㗎咩?咁男人點解唔使結婚前都係處男呀?」

健:「……」

                *  *  *  *

 「總有人覺得27歲還是處男的人很可憐。如果你面前,有兩條路可以選,你希望自己是27歲的處男,還是18歲的時候在大學試過一段時間有均衡的性生活,而在27歲的時候,因為認識了一個『教徒』,就算有女友卻沒性生活比較可憐?」我的學生A在《WhatsApp》問我。

性生活本不是甚麼大不了的事情,不過男人總覺得女人有性生活是可悲的,他們總覺得女人婚前性行為是不道德、不可取。男人總覺得和很多很多女人發生性行為是他們的榮譽,但女人被人知道她有吃過很多男人就會被笑她是「的士」(有錢就上得)、巴士(不太用錢都上得)、樓梯(係人都上得)或是公廁或尿壺。連女人都覺得要檢點,不要有太多性經驗,不要太享受性愛,女人還可以挺起胸膛說:「我個人好正經,除咗我老公,冇人搞過我。」當男人說:「我好正經,除咗我老婆,我冇搞過第2個。」我肯定他旁邊的男人會對他露出一副憐憫的表情。

男人們,問自己一個問題:如果你這一輩子,都只可以跟一個女人發生性行為,你想選一個會做愛,還是不會做愛的女人?

「你都黐線嘅。男人邊會好似你咁諗嘢?男人呢,老婆就放喺屋企擺嘅,真係X嗰啲(記住,是嗰啲,即是多於一個),放喺出面㗎嘛!」學生A對我說,如醍醐灌頂。


(原文刊於 新Monday 雜誌 2013-07-19,P170,熱吻背後)